Storia

La strutura la è piutost veia ma ben conservada. Chesta ciasa da mont è stata fata  su a l scomenz de l 1900, e la è stata una de la prumes a verjer te Val de Fascia.. Documenz ofiziai i disc che l prum mur l’è stat metù ensema te l 1912 da part de la sezion de Lipsia de l Club Alpin da l’Austria e da la Germania (DOaAV). Te l 1919 la pasc de Saint Germain en Loye à segnà l Trentin a la Talia, e la SAT la è deventada parona de duta la ciases da mont che l’era sul teritorie trentin.
L turism chiò l se à envià via piutost prest: recordon che chest’an l’è stat festejià i prumes 100 egn de la strada da le Dolomites! La huties à donca abù sia gran emportanza par l svilup da l turism e da l’alpinism fascian e european.
L’an  che vegn sarà ence 50 egn che noscia familia la è cassù. Dant l giaf Fritz co la giava Elvira, ades Max e Fiorella... Noscia pascion la è n muie grana, e fajon dut chel che podon par far sentir nosc ghesc deschè a ciasa soa!